ال مهارات من الحاجات اللى لازم تتعرف على كتير منها جدا فى حياتك العمليه لانك هتحتاجها كتير جدا لما تدخل حياتك العمليه وتبتدى تحدد الكارير بتاعك دى مهارات لازم تكون عند اى شخص علشان يبقى ناجح وشغله بروفيشنال
يعنى هتحتاج كتير لل مهارات التواصل علشان الناس المهمه اللى هتتعامل معاها فى حياتك
هى عمليه تبادل المعلومات بين افراد بطرق ووسائل مختلفه شفويه او كتابيه او اى طريقه تانيه
وعندنا من وسائل التواصل 3 وسائل
:اولا الطريقه الشفويه
ودى يعنى فيس تو فيس او شفويه بمعنى عام ..يعنى لو فى معلومه مفروض تقولها لحد اما تتصل بيه او تكلمه فى التليفون او سكايب ودى بتكون طريقه مش رسميه
ثانيا : الطريقه الكتابيه
دى بتكون فى الاجتماعات وفى مكان شغلك او بين الطلبه والدكتور لما يسلموه اى شيت هو طلبه منهم .
وتالت طريقه مش شفويه
ودى بتبقى زى ال التواصل بالعين كده يعنى اشارات او بنظره ممكن تعنى معلومه معينه متعارفه بينا .
من الحاجات اللى لازم تتعرف على مبادئها على الاقل ال قياده
من الحاجات المهمه اللى هتقابلك فى حياتك ممكن تتحط فى موقف الليدر ..طيب ايه هى الحاجات اللى تقدر تكتسبها علشان تكون ليدر كويس ؟!
الليدر مش مدير ومش بيدى اوامر وعلى التيم انه يعملها .. الليدر هو طرف الخيط بالنسبه لبقيته بتقدر تشد منه الخيط للهدف وفى نفس الوقت جزء لا يتجزأ منه
الليدر اكتر انسان بتكون عين التيم عليه لازم يبقى عنده دايما محفزات منطقيه وصوره واضحه جدا عن الهدف اللى عايز يوصله علشان يقدر يجاوب على اى سؤال
لازم يبقى شغوف جدا وبيحب اللى بيعمله ومؤمن ومقتنع بيه جدا
لانه بالفطره التيم بيقلد الليدر حتى لو هو فى نفس مستواهم الفكر بس هينجح جدا انه ينقلهم الشغف ده
لازم يبقى شخص ايجابى .. مبتسم ومرح جدا مع فريقه ويشتغل معاهم بأيده مش بيقعد وباقى التيم هيشتغل
لازم يكون بالذكاء اللى يوجه قدرات كل فرد فى التيم ناحيه الهدف ويستغل ده ويوصلهم انهم يبقى هدفه هو هدفهم ويبقى عندهم نفس الحماس اللى عنده علشان يبقى تصورهم النهائى حلو جدا
واخيرا الليدر مش صاحب الفريق ده ولا واحد جاى من الفضاء الليدر واحد نشيط جدا مواعيده مظبوطه متقن فى عمله جدا
عنوانه الابتسامه وتقريبا دى مش حاجه صعبه على اى حد انت كواحد فى الحياه مطلوب منك ده .. الاتقان, الانظباط ,الحماس والحب للعمل
فى حياتك العمليه هتقدم فى شغل او هتقدم فى اى نشاط طلبه
من الحاجات المهمه جدا بنسبه كبيره انك تكون بتعرف كويس تعمل برزنتيشن
مفيش اى شغل او اى مكان هتقدم فيه محترم ومش هيطلب منك برزنتيشن عن اى حاجه
وبتقع قدام حاجات كتييير جدا واخطاء كتير مبتبقاش فاهم ايه هى
اولا البرزنتيشن مش بتطلع ترص كلام وخلاص انت بتكون فاهم كل كلمه من اللى بتقوله علشان لو حد سألك
وبتبقى دارس كويس انت هتتكلم قدام مين اى فئه عمريه بالظبط , ودايما حط تجربه ناجحه ليك او لاى حد تخص الحاجه اللى بتتكلم عنها علشان تحمس الناس انها تسمع ومتنامش منك
ثانيا : لازم ال سلايدز تكون خطها كبير علشان كل اللى فى القعه يقدر يشوف
و في حاجة كمان اساسية في البرزنتيشن اسمها بانج او ليها اسماء كتير
يعني اعمل حاجة مجنونة ومبدعة الناس تفتكر ال برزنتيشن بتعتك طول عمرها
انت ممكن تعمل لعبة او ممكن تعمل موقف او مسرحية لمدة 5 دقايق و ممكن كمان تعرض فيديو
واعمل بروفة قدام حد تثق فيه علشان يقولك ال فيد باك صح
وتعرف كويس المكان اللى انت هتروحه شكله ايه لو اتكعبلت فى حاجه هيبقى شكلك وحش جدا !
اخر حاجه ودى الاهم الزى الخاص بالمكان اللى انت هتروحه اذا كان عادى او رسمى ومن الممكن جدا انك تتصل وتسأل عن الزى الخاص بالمكان ده واعمل برزنتيشن بروفيشنال
Microsoft Tech Club - Akhbar Academy 